वैशाख १८ मा राष्ट्रिय सम्मेलन
सबै नेता सम्बन्धित जिल्लाबाट निर्वाचित हुनुपर्ने
कार्यशैली सुधार्न दाहालका चार प्रतिबद्धता
गंगा बीसी
काठमाडौं– दुई साता चलेको एमाओवादी केन्द्रीय समिति बैठकले अध्यक्ष पुष्पकमल दाहाललाई संसदीय दलको नेता चयन गर्ने निर्णय लिएको छ । लामो विवाद र छलफलपछि बैठक अध्यक्ष दाहाललाई दलको नेता बनाउने टुंगोमा पुगेको हो ।
‘बैठकले अध्यक्षलाई नै दलको नेता चयन गर्ने निर्णय गरेको छ,’ नवनियुक्त प्रवक्ता दीनानाथ शर्माले बैठकपछि भने, ‘संसदीय दलको उपनेता, प्रमुख सचेतक, सचेतक चयन हुन बाँकी छन् ।’ नेता बाबुराम भट्टराईले संविधान जारी नभएसम्म कुनै पदमा नबस्ने बताएकाले उपनेता चयन हुन नसकेको उनले बताए । अब संसदीय दलको बैठकले नै उपनेता, प्रमुख सचेतक र सचेतक चयन गर्ने जानकारी शर्माले दिए ।
बाबुराम भट्टराईलाई स्कुल विभाग तथा प्रचारप्रसार, नारायणकाजी श्रेष्ठलाई अन्तर्राष्ट्रिय विभाग र संविधान निर्माण सुझाव तथा समन्वय, दाहाललाई उत्पादन तथा निर्माण विभाग, पोस्टबहादुर बोगटीलाई संगठन विभाग, कृष्णबहादुर महरालाई संसदीय व्यवस्था, टोपबहादुर रायमाझीलाई भौतिक योजना, संसदीय व्यवस्था, वर्षमान पुन जनपरिचालन, गिरिराजमणि पोख्रेललाई सामान्य प्रशासन, जनार्दन शर्मालाई राज्य व्यवस्था, शक्तिबहादुर बस्नेतलाई स्वास्थ्य विभाजनको जिम्मा पनि बैठकले दिइएको छ ।
नेताहरूको जिम्मेवारी दिँदा राज्यका मन्त्रालयजस्तै नाम दिएर विभाजन गरिएको छ । निवर्तमान प्रवक्ता अग्नि सापकोटाले शिक्षा विभागको जिम्मा पाएका छन् । नेता दीनानाथ शर्मालाई प्रवक्ताको जिम्मेवारी दिइएको छ । गएको निर्वाचनमा आप््नै नेताविरुद्ध घात/अन्तरघात गरेको छानबिन समितिको संयोजकमा हरिबोल गजुरेल, संघीय मामलाको गोपाल किराँतीलाई जिम्मा दिइएको छ ।
राष्ट्रिय सम्मेलन वैशाख १८ मा
बैठकले वैशाख १८ गते मे दिवसका दिन सांगठनिक राष्ट्रिय सम्मेलन गर्ने निर्णय गरेको छ । सबै केन्द्रीय सदस्य सम्बन्धित क्षेत्रबाट निर्वाचित भएर आउने पहिलो पटक व्यवस्था बैठकले गरेको छ । ‘निर्वाचनका उठेकाहरू सम्बन्धित जिल्लाबाट र अन्य कार्यक्षेत्रका आधारमा निर्वाचित भएर आउनुपर्नेछ,’ प्रवक्ता शर्माले भने, ‘पहिलोपटक प्रत्यक्ष निर्वाचन हुने पद्धतिलाई पार्टीले लिएको छ ।’
नेता भट्टराईले नेताहरू निर्वाचित भएर आउनुपर्ने धारणा पार्टीभित्र उठाएपछि केन्द्रीय समितिले त्यसलाई अनुमोदन गरेको हो । वैशाखमा राष्ट्रिय सम्मेलन गर्नुअघि जिल्ला सम्मेलन सक्नुपर्नेछ । एक/डेढ वर्षपछि महाधिवेशनमा जाने निर्णय भएको छ । यसअघि उसले निर्वाचित हुने व्यवस्था लागू गरेको थिएन । अब नेताहरू अनिवार्य रूपमा निर्वाचित भएर राष्ट्रिय सम्मेलनमा उम्मेदवारका लागि आउनुपर्नेछ ।
कायैशैली सुधार गर्न दाहालका चार प्रतिबद्धता
बैठकमा अध्यक्ष पुष्पकमल दाहाललाई उनको कार्यशैली सुधार गर्न आएका सुझावहरूका आधारमा उनले चार प्रतिबद्धता व्यक्त गरेका छन् ।
एक नेताका अनुसार उनले तत्काल निजी सचिवालय व्यवस्थित गर्ने र जसअन्तर्गत पार्टी संगठनका भेटघाटलाई तीव्र पार्दै ‘अनावश्यक’ भेटघाट नियन्त्रण गर्ने, दोस्रो पार्टीको नाममा उनले आर्थिक दायित्वबाट मुक्त भई व्यवस्थित गर्ने, तेस्रो सार्वजनिक रूपमा अभिव्यक्ति दिँदा सोचविचार गरेर बोल्ने, चौथो हाल बस्दै आएको सुविधासम्पन्न लाजिम्पाट निवास सर्ने र छोरा प्रकाशलाई सचिवालयबाट हटाउने बचन दाहालले दिएका छन् ।
केन्द्रीय समितिमा प्रस्तुत गरेको राजनीतिक दस्तावेजमा उनले रूपान्तरण आफंैबाट सुरु गर्ने बताएका थिए । उनको कार्यशैलीप्रति पार्टीभित्र ठूलो आलोचना भएको थियो ।
सबै नेता सम्बन्धित जिल्लाबाट निर्वाचित हुनुपर्ने
कार्यशैली सुधार्न दाहालका चार प्रतिबद्धता
गंगा बीसी
काठमाडौं– दुई साता चलेको एमाओवादी केन्द्रीय समिति बैठकले अध्यक्ष पुष्पकमल दाहाललाई संसदीय दलको नेता चयन गर्ने निर्णय लिएको छ । लामो विवाद र छलफलपछि बैठक अध्यक्ष दाहाललाई दलको नेता बनाउने टुंगोमा पुगेको हो ।
‘बैठकले अध्यक्षलाई नै दलको नेता चयन गर्ने निर्णय गरेको छ,’ नवनियुक्त प्रवक्ता दीनानाथ शर्माले बैठकपछि भने, ‘संसदीय दलको उपनेता, प्रमुख सचेतक, सचेतक चयन हुन बाँकी छन् ।’ नेता बाबुराम भट्टराईले संविधान जारी नभएसम्म कुनै पदमा नबस्ने बताएकाले उपनेता चयन हुन नसकेको उनले बताए । अब संसदीय दलको बैठकले नै उपनेता, प्रमुख सचेतक र सचेतक चयन गर्ने जानकारी शर्माले दिए ।
बाबुराम भट्टराईलाई स्कुल विभाग तथा प्रचारप्रसार, नारायणकाजी श्रेष्ठलाई अन्तर्राष्ट्रिय विभाग र संविधान निर्माण सुझाव तथा समन्वय, दाहाललाई उत्पादन तथा निर्माण विभाग, पोस्टबहादुर बोगटीलाई संगठन विभाग, कृष्णबहादुर महरालाई संसदीय व्यवस्था, टोपबहादुर रायमाझीलाई भौतिक योजना, संसदीय व्यवस्था, वर्षमान पुन जनपरिचालन, गिरिराजमणि पोख्रेललाई सामान्य प्रशासन, जनार्दन शर्मालाई राज्य व्यवस्था, शक्तिबहादुर बस्नेतलाई स्वास्थ्य विभाजनको जिम्मा पनि बैठकले दिइएको छ ।
नेताहरूको जिम्मेवारी दिँदा राज्यका मन्त्रालयजस्तै नाम दिएर विभाजन गरिएको छ । निवर्तमान प्रवक्ता अग्नि सापकोटाले शिक्षा विभागको जिम्मा पाएका छन् । नेता दीनानाथ शर्मालाई प्रवक्ताको जिम्मेवारी दिइएको छ । गएको निर्वाचनमा आप््नै नेताविरुद्ध घात/अन्तरघात गरेको छानबिन समितिको संयोजकमा हरिबोल गजुरेल, संघीय मामलाको गोपाल किराँतीलाई जिम्मा दिइएको छ ।
राष्ट्रिय सम्मेलन वैशाख १८ मा
बैठकले वैशाख १८ गते मे दिवसका दिन सांगठनिक राष्ट्रिय सम्मेलन गर्ने निर्णय गरेको छ । सबै केन्द्रीय सदस्य सम्बन्धित क्षेत्रबाट निर्वाचित भएर आउने पहिलो पटक व्यवस्था बैठकले गरेको छ । ‘निर्वाचनका उठेकाहरू सम्बन्धित जिल्लाबाट र अन्य कार्यक्षेत्रका आधारमा निर्वाचित भएर आउनुपर्नेछ,’ प्रवक्ता शर्माले भने, ‘पहिलोपटक प्रत्यक्ष निर्वाचन हुने पद्धतिलाई पार्टीले लिएको छ ।’
नेता भट्टराईले नेताहरू निर्वाचित भएर आउनुपर्ने धारणा पार्टीभित्र उठाएपछि केन्द्रीय समितिले त्यसलाई अनुमोदन गरेको हो । वैशाखमा राष्ट्रिय सम्मेलन गर्नुअघि जिल्ला सम्मेलन सक्नुपर्नेछ । एक/डेढ वर्षपछि महाधिवेशनमा जाने निर्णय भएको छ । यसअघि उसले निर्वाचित हुने व्यवस्था लागू गरेको थिएन । अब नेताहरू अनिवार्य रूपमा निर्वाचित भएर राष्ट्रिय सम्मेलनमा उम्मेदवारका लागि आउनुपर्नेछ ।
कायैशैली सुधार गर्न दाहालका चार प्रतिबद्धता
बैठकमा अध्यक्ष पुष्पकमल दाहाललाई उनको कार्यशैली सुधार गर्न आएका सुझावहरूका आधारमा उनले चार प्रतिबद्धता व्यक्त गरेका छन् ।
एक नेताका अनुसार उनले तत्काल निजी सचिवालय व्यवस्थित गर्ने र जसअन्तर्गत पार्टी संगठनका भेटघाटलाई तीव्र पार्दै ‘अनावश्यक’ भेटघाट नियन्त्रण गर्ने, दोस्रो पार्टीको नाममा उनले आर्थिक दायित्वबाट मुक्त भई व्यवस्थित गर्ने, तेस्रो सार्वजनिक रूपमा अभिव्यक्ति दिँदा सोचविचार गरेर बोल्ने, चौथो हाल बस्दै आएको सुविधासम्पन्न लाजिम्पाट निवास सर्ने र छोरा प्रकाशलाई सचिवालयबाट हटाउने बचन दाहालले दिएका छन् ।
केन्द्रीय समितिमा प्रस्तुत गरेको राजनीतिक दस्तावेजमा उनले रूपान्तरण आफंैबाट सुरु गर्ने बताएका थिए । उनको कार्यशैलीप्रति पार्टीभित्र ठूलो आलोचना भएको थियो ।
No comments:
Post a Comment