दशैको दर्शन

दशैको रन्को यति लाग्यो कि हिन्दू नेपालीलाई फुस्रद छैन । खाने बस्ने तास खेल्ने यसो बिजुली पानी तान्ने काम पनि तलारुकताका साथ भइरहेको छ । बृद्धाहरु आशिष सोच्दैछन् युवाहरु अनुशासन तोड्दै प्रचलित मूल्य मान्यतालाई रमाइलो गर्न मस्त छन् । बालवालिकहरु पनि के कम गृहकार्य झोलामा थक्याएर सिनेमा कार्टुन हेर्न मस्त ।



तास खेलेर खल्ती जति रित्तिए पनि चिल्लो पिरोले स्वाथ बिगि्रए पनि हामीलाई के मतलब बर्षमा एकपटक आउने दशैलाई धित मरुाजेल मनाउन नपाए के दशै दशैपछि बरु दशानै किन नहोस् दर्श मनाउन काजुस्याई गरिन्न । यस्ता कुरा पनि भइरहेका छन् ।



गाउँमा गएकाहरु गाउँमै शहरमा रहेकाहरु शहरमै र बिदेशमा भएकाहरु बिदेशमै दशै मनाइरहेका छन् । घर जान नपाएकाहरु घर पुगेकाहरु दशैलाई भव्य पार्ने प्रयासमा छन् । परिस्थिति यस्तै छ । असोजको पहिलो साता ६।९ रेक्टर स्केलको भूँइचालोले तसा्रएका हामीहरु यो दशैमा रमाइलो गरी सद्धे हुनु परेको छ ।



काठमाडौं खाली छ सडक शान्तसंग सुतेको छ । गाउँका बाटाहरु बारीका पाटाहरु कमेरो र रातो माटोले लिपेका घरहरु भरिभराउ छन् । के हिमाल के पहाड के तराई गाउँमा रौनक आएको छ । सहरबाट फर्केका र गाउँमा रहेकाहरु बीच अनुभव साटासाट हुँदाको क्षण कम्ति रमाइलो छैन । गाउँ यतिबेला ुफ्युजनु भएका छन् । किनकी आधा सहर गाउँ पुगेको छ । गाउँ र सहरबीच भलाकुसारी हुने बेला पनि यतिबेला नै हो ।



गाउँमा धान पाकेर झुल्ने बेला हो यो । पहाडहरु हरियो साडीको सप्को मारेर सजिएको बेला घरहरु दुलहीझै रंगीएका । घरको पिढीमा बसेर बुढेउलीले छोएकाहरु बिगतका आफ्ना अनुभब युवाहरुसंग बाँड्दा उनीहरु युवा भएको महसुस गर्छन् । यतिबेला के छैन गाउँमा सहरको संस्कृति बिकृति राम्रो नरामं्रो सबै कुरा छ त्यहाँ ।



जो जहा भए पनि जसरी रहे पनि विजया दशमी २०६८ को अवसरमा सबैलाई शुभकामना दिनैपर्छ । किनकी फेसबुक एसएमएसबाट दर्जनौका शुभकामना पं्राप्त छन् । मेरो पनि सबैलाई शुभकामना ।